 | |
| Cartel provisional da 2ª edición |
Estamos preparando xa a II Ruta BTT Oza Cesuras, coa colaboración do Concello de Oza-Cesuras e de algúns patrocinadores como Centro Canino Montegatto, Escuela Hípica Villa de Algara e outros que xa apoiaron a celebración da proba na súa primeira edición e que iremos confirmando en vindeiras datas. E, por suposto, contaremos co apoio dos voluntarios que fixeron posible o éxito da primeira edición.
Nesta segunda edición, aparte da nova denominación, haberá algunhas variacións nos dous percorridos, corto (25 kms. aprox.) e longo (41 km. aprox.), pero volveremos dar pedales polos Sendeiros do Mandeo e polo Monte do Gato.
A inscrición poderá formalizarse no mesmo número de conta que o pasado ano, cun importe aínda por confirmar. Pedímosvos, a aqueles que facedes o pagamento de varios participantes nunha mesma operación bancaria, que nos fagades chegar o nome completo de todos eles nun correo electrónico.
A partir do día 11 de abril de 2014 poderedes inscribirvos para a proba, que se celebrará case con total seguridade o día 18 de maio de 2014.
¡Esperamos a vosa asistencia!
Ningún comentario:
Publicar un comentario
Fainos a túa consulta ou comentario. Tentaremos contestala o máis axiña posible.